Quidrri te l’Arneutrek

Simu malati te orizzonti e libertà,
campamu te natura, orgogliu e dignità,
pè sentieri ignòti sciamu a spassu,
esploramu lu Salentu passu passu.

Pè nù fiuru o nà farfalla n’emozionamu,
cù lu falcu e la poiana spessu vulamu,
la guida noscia lu sule e le stiddre,
cù lu ièntu te retu facimu fraciddre.

Partimu lesti ca è già mmàtinu,
né cùmpagna stù celu tersu Salentinu,
simu L’Arneutrek patiti t’escursione,
avvènturosi comu l’armata brancaleone.

Màsserie boschi e gravine visitamu,
ci trùamu n’arviru te fica lu ndìlissamu,
se poi ete te geusi, te cachi o te nuci,
l’arviru alla mbèrsa se ncìgna fà li cruci.

Cù l’acqua cu lu sule o intru lu fangu,
sù sempre suturi, fatica e bùttu te sangu,
fuci fuci rrètu drù cazzu te presidente,
ca face li passi te Vàtussu drù fetente.

Face finta ca uàrda la ginestra l’orchidea,
poi mitte lu turbu e fuce cchiùi te Mennea,
se né futte te tie ca si anzianu o claudicante,
nfàcce lu strazzabrache face lassi le mutante.

Cumpagnu te merende, tiscorsu e camenata,
l’Angilu ncì porta sullu Pollinu in Bàsillicata,
o sutta alla gravina a dù nù face mai giurnu,
e sciùnge lu boscu te le Pianelle pè cunturnu.

Lu Salvatore cù le fimmene face casinu,
vole ncì face a nfòrza tantu te paninu,
ssùlu alla Paula, ca ncòra nù ncì passa,
né tisse signora! tie prima passa te la cassa.

Però è ngàrbatu porta lu casu, l’aulie e audre cosette,
a fìate caccia puru lu salame e... se lu face a fette,
ci poi esse sangu c’è l’Antoniu lu tottore,
ca né lu cuse ntòrna e nù sente chiùi tulore.

Lu Fulviu camina lestu ma! lu viciu straniatu,
lu era già te prima? o te quannu l’ane rràpinatu,
nà cosa è certa ca drù poveru rapinatore,
te tannu cangiau mistieri e se chiuse cù le suore.

Lu professore Scarciglia camina e camina,
nù giurnu te picca cù resta sutta la gravina,
o fuei pè la fatica o pè lu ièntu te sciroccu,
iddru se mpàurau e a mie mè vinne toccu.

Lu Lìnu invece è atleticu e la strata se la ciuccia,
se ite ca mangia buenu, è lu patrunu te la puccia!
la Ursula muieresa è campionessa te beltà,
se tice ca è straniera ma! sprizza salentinità.

Lu Francescu face lu spiertu, ma! sutta nù c’è nienti,
c’è la Cinzia ca compensa pè bontà e... bellimenti,
lu Claudiu face trekking sempre estutu te surdatu,
e càmina suttaientu cù nù vàe scapiddreciatu.

La Luana ngàrbatazza nù perde mai occasione,
cù ncì nvìta a casa soa a l’Aia te Spiridione,
la Mina e la Carmela cù lu culu sempre tisu,
le viti sempre allegre e scattariciane lu risu.

La Rosi manca spessu ma! nù lu face mpòsta,
fatia alla uàrdia metica a dù te segna la supposta,
nmièzzu nui c’è nù noviziu ca te passu nù cì pecca,
è nù signore te autri tiempi se chiama Conte Zecca.

L’Arneutreck è variegatu c’è li bueni c’è li fiacchi,
c’è l’atleta lu vagnone e l’anzianu cù l’acciacchi,
ma! né vulimu bene e quistu è assai mpòrtante,
certu ci siecuti lu Robertu rischi cu perdi le mutande.

Te mie c’è aggiù dire mè chiamane poeta,
ma! mmìscane dàveru la lana cù la seta,
so ssùlu n’escursionista ca ogni fiata prea e spera,
cù nù mè stràccu tantu, se nò...addiu alza bandiera.

Lorenzo Martina

Dedicata a tutti gli amici d’escursioni dell’Arneotreck, ed in particolare al suo presidente Roberto D’Arcangelo

che con la sua caparbietà e l’amore innato per la natura e per la botanica è riuscito a fare di questo gruppo,

il fiore all’occhiello dell’escursionismo Salentino

Le poesie dell'amico Lorenzo Martina:

> L'Arneutrek   

>  L'Ulivo

> Quannu lu ientu scotula l'aulie

> Amore è

> Se sta futtune lu Salentu