Quannu lu ientu scotula l’aulie

Quannu lu ientu scotula l’aulie,
le mina tutte ntèrra ncòra ie ie,
ci cate intru la cappa ci intru lu trafeiu,
ormai su sùlu bone cù ncì faci l’eiu.

Ca…rìzzane subetu ncìgnane a ruculare
ràggiate l’arviru continuane a guardare,
pensane a quandu zèccate alla fugghiazza,
te lu boscu eranu perle, te la megghiu razza.

Quannu lu ientu scotula l’aulie,
Sentu ca mè scotula puru a mie,
strapazza la fronza spezza quarche ramu,
ncùpisce lu core stù ientu cusì stranu
.
Mpàura l’anemali fisca intru li tumi,
Te li fiuri se ndè porta petali e profumi,
a cìnca tròa nànzi nu né sparagna sorte,
ci resti chiusu a casa scascia fenesce e porte.

Quistu nun è lu solitu ièntu te ciroccu,
quannu nc’è stù ièntu ieu sanu mè toccu,
cà nù scazzeca sulu reume o tae custipu,
stù ientu lu manda Diu cu ncì tae castigu.

E quannu stù ièntu scotula l’aulie,
ieu mè sentu sùlu se… nu cì si tie,
perciò amore miu restame appressu,
quannu tira stù ièntu sù n’omu persu.

E ndè chiedu allu Signore, nù mè scutulare,
pigghiatela cu l’aulie a mie famme campare,
la sacciu ca tieni tanta tanta ragione,
m’aggiu fattu rande nù so chìui vagnone.

Poi ci mè ndè puerti, ma dire a dò mi ficchi,
lassame n’audru pocu tegnu figghi piccicchi,
quiddra muierema ci cattia se màrita ntòrna,
la sai ca puru te muertu tispiacune le corna.

Defriscate nù pocu stamu sutta a Natale,
mienzi né la purtati l’autri stanu all’uspitale,
nù ròvenà famiie stai sempre cu rintuzzi,
a npace fanne mangià stì quattro purcedruzzi.

Pigghiate le ricchezze ma lassame gambe e vista,
cù me cotu stà natura da veru escursionista
tamme sentieri novi Signore,ccìtime te fatica,
squartame cù spine e rovi ca te ticu benetica.

Famme camenà ncòra pe stù Salentu surriale,
ca mè pare nù prisepiu specie sutta a Natale,
mbriàcame te celu, sule, mare e ientu,
te culuri e profumi nfòcame e nù mè lamentu.

Ma! Calma stù ientu tou ca…dò fiocca fiocca,
giovani randi e piccinni tutti ndè li porta,
e comu aulie lì spinge versù drù frantoiu,
Signore! ta scerratu ca nù simu boni mancu pe l’oiu. 


Lorenzo Martina (gennaio 2011)


----------------------------------------------

Le poesie dell'amico Lorenzo Martina:

> L'Arneutrek   

>  L'Ulivo

> Quannu lu ientu scotula l'aulie